مرض هشاشة العظام و اعراضه

مرض هشاشة العظام و اعراضه
admin hala طب وصحة

النهاردة هنتكلم مع بعض عن مرض يصيب اكتر من نص السيدات و حوالي تلت الرجال  فوق سن السبعين و بيخليهم عرضة للكسر و بيسبب لهم الالآم شديدة جدا، المرض ده هو هشاشة العظام.

و علشان نتجنب اي مرض او نحاول نقلل من اسباب حدوثه فلازم نعرفه و نفهمه و ازاي نتغلب عليه او نمنع حدوثه من الاساس 

و علشان كده هنبين ليكم ببساطة ايه هو مرض هشاشة العظام و تعريفه ايه و ايه اسبابه و اعراضه و ازاي نحاول نتغلب عليه و علاجه ايه.

fat-blood-osteoporosis-risk

اولاً: ايه هو مرض هشاشة العظام و تعريفه ايه؟

مرض هشاشة العظام ببساطة بيحصل لما جسم الانسان بيفقد الكتير من العظام او بيحصل لما العظام بتصبح ضعيفة جداً او ممكن يظهر لما يحصل الاتنين مع بعض. 

و مرض  هشاشة العظام معروف في عالم الطب باسم تاني كمان و هو “العظام المسامية”، و جت التسمية دي نتيجة ان العلماء لما شافوا العظام السليمة تحت المجهر فلاقوها بتشبه قرص العسل.

و لما العظام السليمة ديه بيصيبها هشاشة العظام فالفراغات و الثقوب بتظهر اكبر بكتير في قرص العسل عن ما كانت العظام في الحالة الطبيعية.

و العظام المصابة بالهشاشة بتفقد كتلتها او كثافتها و كمان بتحتوى على بنية انسجة غير طبيعية، و نتيجة لده بتكون العظام كثافتها اقل و ضعيفة و بتكون عرضة اكتر للكسر، لدرجة ان ممكن السعال او الانحناء في الحالات المتدهورة تسبب حدوث كسر.

bone_with_osteoporosis-68

ثانيا اسباب هشاشة العظام ايه ؟

وفقاً لبعض  العلماء فان من الممكن ان يكون سبب مرض هشاشة العظام راجعاً لنقص هرمون الاستروجين عند السيدات و نقص فيتامين د او الكالسيوم.

و من الاسباب كمان الحالات المختلفة للغدة الدرقية و التدخين و شرب الكحول و بعض الظروف الطبية و الادوية المختلفة.

و في الرجال بيكون في الغالب مرض هشاشة العظام نتيجة لمزيج من الاسباب دي، بالاضافة انه ممكن يرجع سبب المرض لانخفاض مستويات هرمون التيستيرون .

bonecells-1

ثالثا: ما هي أعراض مرض هشاشة العظام؟

لكل مرض اعراض و لما بنعرف اعراض المرض من بدري بنعرف نتصرف افضل و العلاج مع الدكتور بيجيب نتايج احسن كتير

و لكن في أغلب الاحيان مبيظهرش اعراض هشاشة العظام الا مع الكسر الاول، بس في اغلب الاوقات ممكن تكون واحدة من العلامات اللي تساعد السيدات هي نقص فيتامين د، بالاضافة للتاريخ العائلي لحدوث مرض هشاشة العظام.

و لكن في مرحلة متقدمة للمرض بتبتدي تظهر اعراض تانية بيعاني منها مرضى هشاشة العظام.

من الاعراض دي آلام الظهر و فقدان الطول مع الوقت و الانحناء، و طبعاً في الحالات دي بيكون المصابين بهشاشة العظام اكثر عرضة للتعرض للكسر و اكثر عرضة لتطور اي كسور موجودة بالفعل.

hip_osteoporosis-63

رابعاً: ازاي تقدري تتجنبي مرض هشاشة العظام او تقللي احتمالات حدوثه؟

ابسط طريقة هي انك تتبعي نظام غذائي صحي و متوازن و يكون يحتوي على اكل غني بالكالسيوم و فيتامين د و مواد مغذية تانية فده ممكن يساعد على منع حدوث هشاشة العظام.

و كمان بعض المؤسسات المختصة بمرض هشاشة العظام اوضحت ان ممكن تجنب و منع حدوث مرض هشاشة العظام عن طريق المواظبة على تمارين تحمل الوزن، زي الجري، و كمان تمارين تقوية العضلات زي رفع الاثقال.

walk-jog-weight-bearing-osteoporosis

lndscp_hmpg

و بتوصي المؤسسات الطبية دي ان التمارين حاملة الوزن متقلش عن 30 دقيقة معظم ايام الاسبوع، و ان تمارين تقوية العضلات يوين على الاقل في الاسبوع.

بالاضافة لكده بيوصي الاطباء بتجنب شرب الكحول الزائد و كمان تجنب شرب المشروبات الغازية و الابتعاد عن التدخين و ده للوقاية من مرض هشاشة العظام.

is-3

كمان ممكن الكشف المبكر عن مرض هشاشة العظام عن طريق عمل مسح ضوئي بيبن نسبة هشاشة العظام.

خامساً: علاج مرض هشاشة العظام 

طب اللي اتصاب بالفعل بمرض هشاشة العظام فايه علاجه و يتعامل ازاي مع الموضوع ده؟

من اشهر الادوية المستخدمة طبياً في علاج مرض هشاشة العظام هي البيوفوسفيتس و دينوسوماب و الفورتيو.

is-4

بالاضافة للعلاجات دي فيه العلاج ببدائل هرمون الاستروجين عند النساء، و مكملات هرمون التستوستيرون عند الرجال.

و كمان الاطباء بينصحوا بجانب العلاجات دي كلها اهمية الاقلاع عن التدخين تماماً، و البعد عن الافراط في شرب الكحول.

و طبعاً الحرص على نظام غذائي بيحتوي على فيتامين د و الكالسيوم بكميات كافية تساعد انها تقلل من فرص زيادة مرض هشاشة العظام.

سادساً: بعض انواع الطعام الغنية بالفيتامينات و المعادن اللي تساعد على تقوية العظام 

is-1

فيه فواكه و خضروات متنوعة ممكن نضيفها لنظامنا الغذائي و تساعدنا كتير على توفير معادن و فيتامينات كافية تساهم في تحسين صحة العظام.

فبعض المنظمات الصحية وجدت ان الافراد اللي بيتناولوا نظام غذائي بيتواجد فيه مجموعة كبيرة و متنوعة من الفواكه و الخضروات الملونة، فيكون نظامهم الغذائي قلوي اكثر و بالتالي نظامهم الغذائي ده بيساعد كتير على الاحتفاظ بالكالسيوم في الجسم، و تكون العظام اقل عرضة لمرض هشاشة العظام.

is-5

و كمان زي ما ذكرنا قبل كده تخفيف استخدام الكحول برده من العوامل اللي بتساعد على تقليل نسبة الاصاب بمرض هشاشة العظام.

is-6

و من الحاجات المهمة اللي لازم نتخلص منها في نظامنا اليومي هي الكافيين و المشروبات الغازية، فلما نقضي عليهم هنكون اقل عرض لمرض هشاشة العظام.

و ضيفي لكل ده بقا التقليل من استخدام الملح و اتباع نظام اكل صحي متوازن هيساعد برده من تقليل فرص حدوث مرض هشاشة العظام.

اما بقا لو كان بالفعل تواجد المرض فطبعاً الاطعمة دي مش هتعالج العظام  اللي بالفعل اتضررت و لكن هاتساعد بشكل كبير في انها تبطيْ عملية الضرر و كمان هتساعد في الحد كسور العظام اللي ممكن تحصل.

و بخصوص الاطعمة الغنية بمصادر فيتامين د و الكالسيوم فهتلاقي البيض و الجبن و الحليب و كمان سمك السالمون.

is-7

و مهم جداً اننا نعرف ان المتطلبات اليومية للكالسيوم للافراد اللي اقل من سن ال 50 هي 1000 ملليغرام، اما الافراد اللي سنهم اكتر من 50 سنة فاحتياجهم اليومي بيكون في حدود ال 1200 ملليغرام، و بالنسبة للنساء بعد انقطاع الدورة الشهرية فبتحتاج في حدود 1300 ملليغرام من الكالسيوم يومياً.

و بخصوص فيتامين د فان بعض المنظمات الصحية و الطبية بتنصح ان مرضى هشاشة العظام يحاولوا جاهدين الحصول على ما بين 400 الى 800 وحدة دولية من فيتامين د يومياً.

is-8

و الطريقة المثالية للحصول على فيتامين د هو من خلال الضوء الشمس الطبيعي و لكن الناس اللي متقدرش تحصل على القدر الكافي من التعرض لاشعة الشمس فتتجه للاطعمة و المكملات الغذائية اللي توفرلها متطلبها الاساسية اليومية من فيتامين د.