ويكي حياتي

أفضل موقع عربي في جودة المحتوى ودقة المعلومة

الرئيسيةاقسام الاسرةكيفية تربية الاطفال دون العنف

كيفية تربية الاطفال دون العنف

كتب : admin hala
نشر منذ : 7 سنوات
في تاريخ مايو 05,2017
كيفية تربية الاطفال دون العنف

بسم الله الرحمن الرحيم

السلام عليكم ورحمة الله وبركاته

اظن ان كل واحد فينا اول ما ربنا بيرزقه بطفل بيبدأ يفكر …. “ازاي يربي الطفل ده باحسن طريقه؟”

“ازاي يعيشه احسن ما هو عاش؟” ازاي يبقى احسن منه؟” ف يبدأ يوفرله كل اساليب الحياه ….يأكله احسن أكل ….. يعلمه ف احسن مدارس……بتوفرله كل اساليب الترفيه الممكنه

طب اسأل سؤال بقى …….. هل عمرك سألت نفسك “يا ترى انا موفر لابني احتياجه من الحنان زي ما انا موفرله احتياجه المادي؟” …. ابنك لما بيغلط بتعمل ايه؟ 

طبعا 95% مننا لما ولادهم بيغلطوا اول اسلوب واسهل اسلوب للعقاب هو الضرب ، او العنف عمتا بكل صوره

طب هل انت لما بتضرب ابنك بيسمع الكلام؟

احب اقولك ان ابنك لو كان عمل الغلط المره الاولى دون قصد ف اؤكدلك ان التانيه بتبقى عن عمد بسبب طريقة عقابك ليه

طب دلوقتي انت متعرفش طرق للعقاب غير الضرب……. تعمل ايه؟

ده اللي احنا النهارده قررنا نتكلم فيه

“كيفية تربية الاطفال دون عنف”

زي ما قولنا قبل كده ان منتدى “حياتي” دايما بيهتم بكل اللي بيشغل بالك والنهارده قررنا نجيبلك طرق للتربيه دون عنف من اول ما يكون طفلك رضيع لحد مرحلة الشباب مرورا بالطفوله والمراهقه

haende-30

689

Cheerful Preschoolers Painting

14-638

اول ما الطفل بيتولد حياتنا بتبقى كالأتي (ارهاق، وتعب، وسهر، وبكاء من البيبي، ……….)

السؤال بقى هل عمرك ضربت ابنك وهو لسه مولود بسبب انه بيبكي مثلا؟ اكيد لا بالعكس ده انت بتزعل على بكاءه ده

12718168_561476764019956_6661509359847567291_n

ندخل ف اول مرحلة من مراحل التربيه وهي من بعد ما بيتم الطفل سنه ،وغالبا بيكون بدأ المشي وبيبقى كثير الحركه بيكسر حاجات كتير وبيوقع حاجات كتير ، ده بيسبب عصبيه كبيره عند الام ف اول حاجه تعملها تضربه ع ايده متعرفش انه بطبيعة السن ده هو بيحب يكتشف كل شئ حواليه ، المفروض منك انك مش تمنعيه من ده ، لا انتي ابعدي عنه الحاجه اللي خايفه عليها وسيبيه هو يكتشف عالمه براحته لكن اياك والعنف

811

17122_large

المرحله التانيه من بعد سن الثلاث سنوات انا ف وجهة نظري البسيطه بسميها مرحلة احلام اليقظه عند الاطفال الطفل بيخلق حكايات واحلام كتير بيبقى نفسه يعملها ف بيحكيها ع انها حصلت فعلا كل الامهات بتاخد ده ع انه كذب بس ده مش كذب ده معناه ان ابنك مفتقد شئ معين فيكي او ف البيت بوجه عام ف بيضطر انه يخلق القصص دي طب انتي المفروض ف الحاله دي تعملي ايه؟ هل تعنفيه وتزعقيله او تضربيه؟ طبعا لا العبي معاه ، هاتيله قصص واقريهاله ، هاتي كراسات الوان واقعدي لوني معاه …….. لكن اوعي ثم اوعي ثم اوعي تضربيه او تصرخي ف وشه ؛ لان ده هيربي عنده عقده لما يكبر وهيخليه ضعيف الشخصيه يرضى بادنى شئ ف اي شئ ، ده بالنسبه لأولا ف المرحله التانيه دي .. بطبيعة الحال الاطفال بيبقوا اشقيه جدا ف المرحله دي تكسير بقى ولخبطه فالاكل ووووووو الى اخره ، ابنك لما يوقع حاجه متزعقيش ولا تضربي بكل هدووء اطلبي منه يتحمل مسؤلية خطأه بانه ينضف المكان اللي وسخه ، بكده هو هيعرف يتحمل مسؤلية اخطاءه اللي يعملها وهيدورلها ع حلول ويحلها يمكن قبل ما انتي تلاحظي

lie-detection-in-kids-header

03-1_267

كبر البيبي الصغير ودخل المدرسه ومشاكله بدأت معاه بيتخانق ف المدرسه وبيضرب زمايله ومستواه مش كويس دراسيا عنيد ومش بيسمع الكلام ، وبيكذب كمان ف المرحله دي اللي هي من 6 سنين لحد 13 او 14 سنه اي لحد بداية مرحلة المراهقه ، ف المرحله دي اخطاءه بتبقى كتير ودي اكتر مرحله فيها اخطاء ؛ لان مع دخول المدرسه بتبقى دي اول مرحله للاختلاط بالناس ، بيبقى خايف من الناس ……..ز لو مكنش في احتواء وحنان كافي ف البيت المشاكل هتزيد ، طب نفترض انت عامل اللي عليك مع ابنك ومحتويه ، وبرضو بيغلط …… ف الحاله دي بنعاقب بس من غير عنف

اولا بتبدأ تتكلم مع ابنك او بنتك بهدوء وتشوف ايه اللي مزعله

1379767939q3254f-350x260

0m3n4net-104440-1

thumb-php

ae8abd7e843d2c7f9d6e25e50f1ce406

ثانيا لو لقيت مفيش اسباب مقنعه منه بتبدا تتخذ الحزم ك اسلوب لفتره وجيزه بمعنى النظرات او انك ممكن تحرمه من التليفزيون لفتره معينه او حتى ان تقعده ع كرسي التذنيب المعروف ب “naughty chair” ده كرسي لما بيغلط بتحددله فتره معينه يقعدها عليه كنوع من انواع العقاب ع خطأه ولكن برضو دون عنف

%d8%b7%d8%b1%d9%8a%d9%82%d8%a9-%d8%a7%d9%84%d8%aa%d8%b9%d8%a7%d9%85%d9%84-%d9%85%d8%b9-%d8%a7%d9%84%d8%b7%d9%81%d9%84-%d8%a7%d9%84%d8%b2%d9%86%d8%a7%d9%86-2-750x400

20160216_194414_4779

دي صور ل”كرسي العقاب”

كمان من ضمن الاسباب اللي ممكن تؤدي بالطفل للخطأ ف المرحله دي هي الغيره من اخيه الاصغر دي بتبقى بطريقه غير مقصوده من الام بانها لازم اهتمامها بيروح للطفل الاصغر لانه بيبقى ف احتياج اكتر ليها ف ده بيخلق نوع من انواع الغيره عند الطفل ف بيغلط عشان يلفت النظر ليه من الام تاني

333-300x160

mc-1-27-12-2013

نفترض هو مش حابب المدرسه او مش عنده قدره ع استيعاب الدراسه بصوره سريعه ؟ ازاي نحببه ف المدرسه ؟ نحببه ف المدرسه عن طريق توصيلنا الفكره ليه بان المدرسه مكان جميل وانه ده بيتنا التاني وانه لازم يتعلم عشان يطلع زي بابا وماما ونشوف مين اكتر حد بيحبه ف العيله وقوله انه لو عايز يطلع زي عمو فلان لزم يبقى شاطر وانه لما يزاكر انت هتكافأه بحاجه بيحبها لعبه او هتخرجه او اي حاجه بيحبها روح للاستاذه بتاعته من وراه واديها بونبوني او شيكولاته وقولها توزعها ع الفصل وتقولهم ان دي من المدرسه للناس الشاطره وهكذا “بدل ما تعلم ابنك بعنف وتكرهه ف الشئ اكتر ، حببه فيه وخليه يعمله برضاه احسن”

kidstudy

mother_child_education_program_mocep_4

%d9%83%d9%8a%d9%81%d9%8a%d8%a9-%d8%aa%d9%82%d9%88%d9%8a%d8%a9-%d8%b4%d8%ae%d8%b5%d9%8a%d8%a9-%d8%b7%d9%81%d9%84%d9%83%d8%9f-500x380

خلصت مرحلة الطفوله وبدأت المرحله الاصعب ع الاطلاق مرحلة المراهقه وهي مرحلة تكوين الطفل نظره عميقه للذات ، مرحلة تكوين الشخصيه ، مرحلة التطور الفكري والجسدي والعقلي ، مرحلة العند الاكثر ، مرحلة الاضطرابات بجميع اشكالها ، الطفل مش بيكون عارف هل انا لسه طفل والمفروض العب زي ما كنت ؟ ولا هل انا كبرت والمفروض ابقى رجل زي بابا ؟ الطفل او المراهق بمعنى اصح بيستغرب نفسه ف المرحله دي لانه شايف نفسه بيتغير بصوره واضحه وبالتالي حتى تصرفات اهله بينتقدها ؛ لانه عايز يغير تفكيره ف بيظن ان كل اللي كان عايشه وهو طفل كان غلط ومتخيل انه دلوقتي المفروض يغير العالم ع نظامه الجديد ، طبعا ف المرحله دي مش مطلوب من الاهل غير الاحتواء والاحتواء والاحتواء لانه مش هينفع كرسي عقاب ولا هينفع نظرات تحذيريه ولا حتى الحرمان المؤقت هيجدي في شئ كل ما عليك فعله هو انك تصاحب ابنك وتساعده انه يخرج من المرحله دي ويدخل مرحلة الشباب وهو ناضج نضج سليم اشتري له كتب يقرأها وناقشه فيها ، اتكلم معاه ف كل حاجه ، خليك انت الصديق الوحيد ليه ف المرحله دي 

%d9%83%d9%8a%d9%81-%d8%a7%d8%ac%d8%b9%d9%84-%d8%a7%d8%a8%d9%86%d9%89-%d9%85%d8%b7%d9%8a%d8%b9%d8%a7%d9%8b-%d9%88-%d8%ad%d8%b3%d9%86-%d8%a7%d9%84%d8%b3%d9%84%d9%88%d9%83-500x400

وبكده نكون ختمنا موضوعنا النهارده ع امل ان نكون قد وفيناه حقه

لا تنسوا دعم منتدى “حياتي” لان دعمكم هو سبب استمرارنا

يا رب اكون قدرت افيدكم 🙂

الاطفالتربيةكيفية

شارك معرفتك مع الأصدقاء

اقرأ ايضا

عرض المزيد