الإبر الصينية و كيفية العلاج بها
الطب الصيني التقليدي استخدم الوخز بالابر كطريقة للعلاج منذ قديم الزمان و ده عن طريق وضع إبر رقيقة في نقاط محددة بالجسم
الإبر دي اشتهرت بإسم الإبر الصينية و كانت بتستخدم في المقام الاول لتخيفيف الالآم و لكن تم استخدامها بعد كده لعلاج امراض تانية.
و من البلاد اللي بتستخدم الإبر الصينية في العلاج هي امريكا، فهنلاقي حوالي 3 مليون بيستخدموا الوخز بالإبر في العلاج، و و لكن مش هي البلد الأكثر شعبية في إستخدام الإبر الصينية، فمثلاً في فرنسا هنلاقي شخص من كل خمس اشخاص حاولوا استخدام الإبر الصينية.
طب ايه الفكرة اللي بتقوم عليها الوخز بالإبر الصينية؟
فكرة الوخز بالإبر الصينية بتقوم على انها بتقوم بالافراج عن تدفق الطاقة الحيوية في الجسم او زي ما بيسموها في الطب الصيني التقليدي ال “تشي”، و ده بيتم من خلال تحفيز النقط من خلال 14 مسار للطاقة.
و بعض العلماء بتقول ان الوخز بالإبر بيساعد جداً في ان الجسم يطلق صراح الإندورفين و هو من مسكنات الألم الطبيعية، و كمان الإبر بتساعد على تعزيز تدفق الدم و تغيير نشاط الدماغ.
و لكن فيه بعض المشككين اللي بقولوا ان الإبر دي بتجيب نتيجة فقط علشان الناس مقتنعة و معتقدة بإنها هتجيب نتيجة، و ده معروف بتأثير الدواء الوهمي.
طب هل إستخدام الإبر دي مؤلم؟
الإبر الصينية بتكون رقيقة جداً و بيتم استخدامها عن طريق الوخز، معظم الناس اللي بيستخدموها مبيحسوش بأي الم أو الم بسيط جداً عند استخدامها. و بيقول اللي بيتعالجوا بيها ان بعد استخدام الإبر غالباً بيحسوا بنشاط و استرخاء، و لكن ده ميمنعش ان الإبر ممكن تسبب نوع من انواع الوجع الخفيف و المؤقت في بعض الحالات.
طب ايه اهم الحاجات اللي ممكن الإبر الصينية تعالجها و طريقة استخدامها ازاي؟
أولاً الآم أسفل الضهر:
طرق العلاج التقليدية في الغالب ممكن متساعدش في التعافي من ألم أسفل الظهر، و لكن نجحت بشكل كبير الإبر الصينية في إنها تقوم بالمهمة دي.
و فيه دراسة وضحت ان استخدام الإبر الصينية و الوخز بيها بشكل فعلي ووهمي بيعمل بشكل أفضل بكتير من طريق العلاجات التقليدية و اللي بيتم استخدامها لمدة ثلاثة شهور.
و لكن لازم ناخد في الاعتبار ان الوخز بالإبر في أسفل الضهر بيسبب ألم على مدى القصير في اسفل الضهر.
ثانياً: علاج الصداع النصفي و الصداع الناتج عن التوتر
بتستخدم الإبر الصينية لتخفيف الآم الصداع النصفي أو الصداع الناتج عن التوتر، ووجدت دارستان كبيرتين أن الأشخاص اللي بيتلقوا علاج عن طريق الوخز بالإبر الصينية بيتعرضوا لعدد أيام أقل من الصداع مقارنة بالأشخاص اللي بيتلقوا علاج للصداع بالطرق التقليدية.
ثالثاً: علاج إلتهاب المفاصل
وفقاً لبعض المنظمات المختصة بالآم المفاصل فإن الوخز باإبر الصينية و إستخدامها يعتبر إضافة جيدة و مفيدة بجانب العلاج التقليدي لإلتهاب المفاصل.
و أظهرت بعض البحوث أن الوخز بالإبر الصينية بيساهم في تخفيف الآم المفاصل في الركبة.
و لكن مازال هناك احتياج لمزيد من البحاث لإثبات إن طريقة العلاج دي فعالة بالنسبة لمرض هشاشة العظام.
رابعاً: علاج متلازمة النفق الرسغي
لقد تم إختبار الإبر الصينية و مقارنتها مع حبوب الستيرويد لألم اليد و الزراع المستخدمة لعلاج متلازمة النفق الرسغي.
و قام الباحثيين التيوان باستخدام الإبر الصينية لمجموعة من 8 أشخاص و أظهرت النتايج ان بعد أشهر من العلاج أن المرضى اللي تعالجوا بالإبر الصينية شعروا بتحسن أكبر من المجموعة اللي تم علاجها بإستخدام العلاج التقليدي بحبوب الستيرويد.
و مازال هناك ابحاث جارية للتأكد من مدى فاعلية الإبر الصينية في علاج متلازمة النفق الرسغي.
خامساً: معالجة الم الأسنان
اشارت بعض الدراسات ان الوخز بالإبر الصينية بيساعد بشكل كبير على تقليل الم خلع الاسنان و جراحة الاسنان.
و مازالت الآم الاسنان تعتبر عند الكثير من احد اهم العلاجات اللي بتستجيب للوخز بإلابر الصينية.
سادساً: استخدام الإبر في علاج الآم مختلفة
بعض الاشخاص حاولوا استخدام الإبر الصينية لعلاج الآم الرقبة، الآم في العضلات، و تشنجات الحيض، و ذلك املاً منهم في البعد عن الأدوية و آثارها الجانبية.
و قامت منظمة الصحة العالمية برصد 28 ظرف مختلف تم التعامل فيه بالوخز بالإبر الصينية للعلاج، و الظاهرة دي جعلت العلماء يهتموا اكتر بالبحث في العلاج بالإبر الصينية و اثبات مدى فاعليتها في العلاج.
بالإضافة لده اوضح بعض العلماء ان الإبر الصينية بتساهم بشكل اكبر في تخفيف الآلام لو استخدمت بجانب الأدوية أو اي علاج آخر، مثلاً مع التدليك بتكون نتيجة الإبر رائعة.
كمان بعض العلماء بينوا ان الاشخاص اصحاب الامراض المزمنة ممن الوخز بالإبر الصينية يساعدهم على تحسن حالتهم و التقليل من الأودية المستخدمة.
سابعاً: الإبر الصينية لتقليل أعراض الغثيان و القيء
الوخز بالإبر الصينية في نقطة معينة على المعصم بتساعد على تقليل اعراض الغثيان و القيء، حتى بعد علاج السرطان و الجراحة.
و أثبتت بعض الدرسات فاعلية الإبر الصينية في تقليل تلك الأعراض عن غيرها من العلاجات الآخرى.
ثامناً: استخدام الإبر الصينية في علاج الخصوبة
استخدمت بعض المشاهير كالمطربين و الفنانات العالميين الوخز بالإبر الصينية بجانب علاجات العقم لمساعدتهم على حدوث حمل.
و بعض الدراسات الطبية كانت مع وجهة النظر دي، حيث اشارت ان الوخز بالإبر بيعزز فاعلية علاج الخصوبة.
و أحد النظريات اللي بتعزز الكلام ده كانت هي ان الوخز بالإبر بيساعد على التخلص من التوتر و زيادة تدفق الدم الى المبيض.
تاسعاٌ: استخدام الإبر الصينية في نقص الوزن
أثبتت الإبر الصينية في الآونة الاخيرة مدى فاعليتها في إنقاص الوزن، و كمان اثبتت انها افضل الطرق المستخدمة و اكثرهم راحة.
و من المهم اننا نعرف ان الإبر الصينية هي وسيلة مساعدة و انها مش عصا سحرية، و لكن فاعليتها بتكون كبيرة لما بيكون الاشخاص اللي بيستخدموها للتحكم في وزنهم على استعداد كبير انهم يغيروا من نمط حياتهم.
و بتعتمد الإبر في كل العلاجات اللي بتستخدم فيها و منهم إنقاص الوزن على الوخز في النقط الضعيفة من جسمنا و النقط دي بتكون محسوبة بدقة و من خلالها بيتم تحفيز بعض الاعصاب.
و اثبت العلاج بالإبر الصينية كفائته و فاعليته في علاج امراض مختلفة عند مختلف الاشخاص.
