وجبات رمضانية اطباق رمضانية اكثر من 150 الف موسوعة طبخات رمضانية ل 30 يوم رمضان بالصور والخطوات – اكلات رمضانية سعودية – وصفات سحور رمضانية مغذية وخفيفة 2017- اكلات لسحور رمضان صحي ومفيد – اكلات رجيم لرمضان بالصور 1438
مرحبا بكم من جديد بنقدم ليكم مجموعة هائلة من الوصفات والاكلات الرمضانية من داخل مطبخ حياتي دوت كوم موسوعة كبيرة لاحدث اكلات رمضانية بالصور وحديثة موسوعة معجنات رمضانية بالصور لعام 2017- صور اجمل اكلات رمضان سعودية مصرية اردنية عراقية لبنانية جزائرية تعرفوا عليها الان
ملوخية , مصرية , الليلة , البهرات , السلطة , اكلات , تمر , بامية , جدتى , رمضان , رمضانية , شهر , زوجك , سوس , غربة , عرق , عصائر , طاجن , قطايف
كل سنة و انتم طيبين بمناسبة شهر رمضان و علشان شهر رمضان بيحب اللمه , اصحاب كتير ليا بره ونفسهم يقدموا لاجوازهم مفاجئه حلوه و هى انهم يعيشوا يوم مصرى بتاع زمان كله دفء و حنان و كان نفسهم ينزلوا مصر لكن الغربه صعبه و لقمة العيش حكمت قلت ليهم و لا يهمكم احنا هنعيش مع بعش احلى جو مصرى له ريحه مصرية بتاعة زمان و هخالى جيرانك كمان يخبطوا على بابك علشان يشوفوا انت بتعمل ايه على الفطار و علشان احنا بنحبك و بنقول كفاية عليك الغربه و مرار الغربه مش هنخليكى تتعبى و تجيب وصفات من و من هناك احنا النهاردة سفرتنا ان شاء الله هتكون مصرية سفرة الفطار علينا يا ست الكل مش تحيرى نفسك من موقع لموقع علشان تحضرى سفرتك المصرية انت خليكى معانا و شوفى يا ست الغالين احنا هنعملك ايه . اكيد طبعا ان الغربه عودتك على الاكل بتاعهم انا هقولك تعملى ايه علشان تعيشى يوم مصرى فى غربتك ديه وكمان تبقى مفاجئه حلوه لجوزك و اكيد موده هيبقى كويس تعال يلا بينا
اول حاجه يا ست الغالين هنعملها على الفطار اللحمة هنحضرها الاول علشان ناخد الشوربه وهنعمل بيها طبق ملوخية من اللى قلبك بيحبها و كمان شوية لسان عصفور .
و بعد كده هنعمل ارز بالشعرية ياااا على جماله ولا ريحه طعمة .
و كمان هنعمل شوية مخلل باذنجان لذيذ و جميلة .
و مش ننسى طاجن البامية الجميل اوعى وشك على طعمة و هو طالع من الفرن سخن و جواه حتت اللحمة الصغيره .
و هنعمل معاه احلى السلطات المصرية ياااا على جملها و الفجل الافرنجى داخل السلطة
و مش يحلى رمضان من غير عصير التمر الهندى او العرق سوس طبعا اكيد فاكره الايام ديه و انتى بتجرى على بتاع العصير علشان تجيبى العصير علشان الفطار احنا بقى هنعمله معاكى.
و كمان يجى رمضان بالحلويات و خاصة القطايف و يسلام على القطايف و جمال القطايف و حلاوة القطايف فى شهر رمضان علشان اللمه الحلوه و كمان ممكن ننوع من القطايف و لو مش فيه فى المنطقة بتاعتك ممكن تعملى العجينة بتعتها ديه سهلة اووووى وهكون معاكى يسلام يا ست الكل لما تجمعى اطفالك علشان تعملى القطايف و هما يساعدوكى بتبقى فرحه كبيرة بيحسوا انهم مش فى يوم عادى . و ممكن كمان ممكن تحشى القطايف قشطة او جبنه على حسب رغبتك انت و اسرتك .
تعالى بقى نحضر اليوم المصرى انت اكيد لسه صاحيه و كنتى محتاره احنا دلوقتى حددنا احنا هنعمل ايه يلا ننزل مع بعض عند السوبر ماركت نجيب الطلبات و لو عندك بالبيت خلاص استنى معايا علشان هنشوف هنجيب ايه للفطار بصى بقى يا ست الحبايب . احنا خلاص وصلنا السوبر ماركت هنجيب اللحمة بتعتنا العجالى الجميلة و الذيذة تكون حته حلوه كده مش كلها دهون و لو بتحبيها ملبسه مش يضر هاتى حته برضه علشان طاجن البامية و بعد كده هاتى نص كيلو ملوخية خضره و لو مش لقيتى هناك هاتى كيسملوخية مجمدة و امرك الى الله بعد كده هنجيب نص كيلو طماطم بس تكون طازه و كمان ربع كيلو فلفل حامى و كمان نص كيلو باذنجان عاروس و هاتى نص كيلو باميه تكون صغيره و حلوه كده و هاتى كيلو بصل ده لو مش عندك و هنروح على قسم المشروبات هنجيب باكو تمر هندى و كمان عرق سوس و نروح على قسم المعجنات و هاتى نص كيلوقطايف تكون طازة و طرية و شوفى بقى انت بتحبى تحشيها ايه لو مكسرات هاتى تشكيلة حلوه للحشو هقولك زى ايه :- الزبيب – الفول السودانى – البندق – جوز الهند – الفستق اى مكسرات يا ست الكل انت حباه و لو مش حابه المكسرات هاتى معاه باكو كريمة نعملها و نحشيها بتبقى لذيذة .
احنا كده خلاص اشترينا الحاجه بتعتنا يلا بسرعة نحاسب و ناخد الحاجه بتعتنا علشان نبدا علشان احنا خلاص الظهر اذن و احنا بنشترى الطلبات .
اول حاجه هنعملها قبل اى شىء نصلى الظهر و بعد كده نعمل ايه هقولك يلا تعالوا معايا اللى اشترت و اللى عندها الطلبات ديه طبعا علشان الوقت نستفاد منه هاتى بسرعة باكو التمر و انقعيه فى حله مياه و غطيه و اركنيه لغاية قران المغرب .
بعد كده نعمل نحضر العرق سوس فى البيت و احنا طبعا عارفين مدى فوائد العرق سوس على جسم الانسان بس خال بالك مش ينفع تفرطى فيه يعنى نشربه على فترات من بعد الفطار . بصى بقى يا ست الكل احنا هنجيب ربع كوب بودر العرق سوس و هننقعوا فى اناء و نضعه على جنب شوية و كمان نجيب ملعقة كربوناتو و نقلبه فى نصف كوب ماء و نضعه على العرق سوس فى مكان دافىء لبعض الساعات سيبى بقى التمر و العرق سوس و هقولك هنعمل ايه خطوة بخطوة
تعال معايا نحضر او صنف و هى اللحمة احنا طبعا جيبنها مكعبات من السوبر ماركت هقولك مقادير طريقة عمل شوربة اللحمة المصرية .
كيلو لحمه حمره و لوكانت ملبسه مش يضر ههههههههههه
عدد بهرات اللحمة هقولك زى ايه
اوعى تحطى كمون ههههههههه هتسود لون الشوربه
تعالى معانا نشوف الطريقة وهنكون معاكى خطوة بخطوة
1- نقوم باحضار اناء كبير و نضعه على النار و نجيب معلقة سمن صغيره اووووى ونضعها بالقدر
2 – نقوم بوضع البصل مع التقليب لمده نصف دقيقة
3- نقوم بوضع اللحم على المكونات
4- نقوم بوضع البهرات وهقولك بالترتيب
الفلفل الاسود – ورق الورى – كزبره – جوزة الطيب ونقلب ونفضل نقلب و بعد اول ما تتشرب مياه اللحمه نضع عليها الماء الدافىء و نقوم بوضع باقى البهارت وى الروز مارى و ورق الورى و الحبهان و المستكة و بودرة البصل و الكزبرة الناشفة و الزنجبيل و ده على حسب الرغبة و نسيبها لغاية ما تقرب تستوى خالى بالك مش تحطى الملح دلوقتى هقولك امتى سيبى اللحمة على النار و يلا تعالى نحضر للملوخية.
هتجيبى الملوخية الخضرة و تقطفيها فى طبق بلاستك علشان بعد كده تغسيلها كويس و فى ستات قمرات حلوين بيغسلوا عيدان الملوخية و يسبوها تنشف و بعد كده يقطفوها و ده على حسب رغبتك يا ست الكل.
تعالى نشوف مقادير الملوخية الخضرة المصرية :-
![وصفات اكلات مصرية رمضانية قديمة 1463993828991.jpg]()
كربوناته و ده هقولك ليه .
تعالى نشوف طريقة عمل الملوخية الخضرة و كمان ازاى تخليها حلوه و ليها عرق جميل هكون معاكى خطوة بخطوة
1- نقوم بغسل الملوخية جيدا
![وصفات اكلات مصرية رمضانية قديمة 1463993829163.jpg]()
2- نقوم بتنشيف الملوخية كويس اوووى
3- نقوم بخرطها كويس اوووى ويفضل المخرطة
![وصفات اكلات مصرية رمضانية قديمة 1463993829072.jpg]()
4- نقوم باحضار شوربة اللحم فى اناء ونضعه على النار حتى الغليان
5- نقوم بسكب الملوخية مع التقليب المستمر و يفضل بمضرب سلك لمده دقيقة
6- نضع الكربوناته بسرعة و تقليبه صغيرة ونطفى النار :- الكربوناته ديه يا ست الكل هتخلى الملوخية لونها اخضر و حلو و ليها عرق بس خلى بالك رشه صغيره اوووى تكفى لنصف كيلو ملوخية
6- نقوم بهرس الثوم مع الفلفل الحراق الاخضر و معه البهرات
6- نقوم باحضار مقلاة و نضع بها قالب زبد صفراء
7- و نقوم بوضع الثوم المهروس بالبهارت مع التقليب
8- و عندما يحمر نضعه بسرعة على الملوخيه و نتركها جانبا و لو عملتيها ابقى اعزمينى اصلى بحبها اووووى
و بكده حضرنا احلى طبق ملوخية مصرى من ايدك يا ست الحبايب وهترجعى طعم وريحه البيت المصرى لجوزك حبيبك باذن الله .
كده هتلاقى اللحمة استوت و خال بالك احنا اخدنا شوية شوربة و اللحمه لسه على النار كده بقى حطى الملح و سيبها شوية و بعد كده اطفى على النار
تعالى بقى نشوف احنا ممكن نعمل ايه بعد كده هنمل يا ست الحبايب طاجن بامية زى ما قلت ليكى يا ست الكل تعالى نشوف المقادير
هنجيب البامية اللى احنا اشترنها
![وصفات اكلات مصرية رمضانية قديمة 1463993829265.jpg]()
و كمان فص ثوم وده على حسب الرغبه
تعالى يا ست الحبايب نشوف احنا هنعمل ايه خطوة بخطوة
1- هنجيب البامية يا ست الكل و نقمعها كويس و لازم تكون صغيره و حلوه كده زيك يا ست الكل
![وصفات اكلات مصرية رمضانية قديمة 1463993829214.jpg]()
2- نقوم بتحضير صلصة البامية او التسبيكة او الصوص على حسب ما تسميها تعالى هنشوف هنعملها ازاى
3- هاتى اناء و ضعيه على النار
5- ضعى البصل المقطع قطع صغيرة
7 -ضعى فص الثوم على البصل مع التقليب
8- ضعى الفلفل المقطع مع التقليب
9 -قومى بعصر الطماطم جيدا
10 -ضعى الطماطم فوق البصل مع التقليب حتى تتماسك قومى بوضع البهرات عليها
11-و سيها تتسبك ياااا على رحتها اوعى وشك
12 -هنقوم باحضار طاجن و نقوم بوضع نصف التسبيكه فيه
13- نقوم بوضع قطع اللحم الصغيره من الشوربه قبل ما تستوى كويس
14- نقوم بوضع باقى الكمية فى الطاجن
15- نقوم بوضع الطاجن فى الفرن و نتركها لمده ساعة
اكيد الريحه طالعة و هتلم الجيران عليكوا اصل مافيش احلى من الاكل المصرى
اظن كده اللحمة استوت يلا قومى اطفى عليها وسيبها .
تعالى بقى يا ست الكل نعمل احلى شوية ارز بشعرية ارز مصرى من اللى قلبك يحبه
اطن كده مافيش حاجه بنسويها غير طاجن الباميه و سيبه شويه على ما نعمل الارز هنطفى عليه
![وصفات اكلات مصرية رمضانية قديمة 146399382936.jpg]()
تعالى يلا نشوف المقادير بتاعة الارز بالشعريه
هتجيبى نص كيلو ارز بلدى ها بلدى
![وصفات اكلات مصرية رمضانية قديمة 1463993829439.jpg]()
و كمان شوية شعرية يعنى بمقدار كوب كده و خال بالك كل ما كانت الشعرية فاتحه كانت احلى فى الطبخ
تعالى بقى يا ست الكل نجهز الارز بالبشعرية بس الاول هدى الفرن على الطاجن علشان هنروح نصلى العصر الصلاة اهم
خلصنا كده صلاة العصر تعالى بقى نحضر الارز و هكون معاكى خطوة بخطوة
![وصفات اكلات مصرية رمضانية قديمة 146399382948.jpg]()
1- نقوم باحضار اناء لعمل الارز
2- نقوم باحضر ثلث كوب زيت ذرة
4- نقوم بغسل الارز جيدا و تصفيته
5- نقوم بوضع الاناء و به الزيت حتى يسخن
6- نقوم بوضع الشعرية مع التقليب جيدا
7- نقوم بوضع الارز مع الشعرية ونستمر بالتقليب
9 – نقوم بوضع بوضع الماء مع التقليب و خلى بالك مش تحطى لتر مياه على الارز كده هيجعن انا هقولك احنا نضع الماء الى ان يغطى الارز و تحطى صباعك ومش تغطى العقلة الاولى خلاص كده و لو عايزه تبدلى المياه بشربه عادى و ده على حسب رغبتك بس يكون معاكى مصفاه و نتى بتسكبى الشوربه على الارز
سيبى الارز حتى المياه تنشف منه
10 – نقوم بتهدئه النار عليه حتى ينضج
تعال نشوف طاجن البامية كده شكله استوى نحطة بقى تحت الشواية البوتجاز بتاعك علشان وش الطاجن يحمر
و بعد كده اغلقى النار و سيبه بالفرن و بكده تقريبا قربننا نخلص سفرتنا
فاضل المخلل تعالى نشوف هنعمل مخلل ايه احنا طبعا نزلنا الصبح اشترينا الباذنجان العروس او الطويل تعالى نشوف هنعمل ايه :-
1- نقوم باحضار الباذنجان و نقوم بتنظيفه جيدا و نشيل الطربوش الاخضر بتاعة
2- نقوم بفتح الباذنجان من الجنب بالسكين
3- نقوم باحضار مقلاة و نقوم بتحمير او دحرجة الباذنجان
4- نقوم بنشل الباذنجان على طبق
5- نقوم بتحضير خلطة مخلل الباذنجان و هى كالاتى :-
نقوم باحضار ربع كيلو فلفل احمر حامى
نقوم باحضار كمية صغيره من الخل
و كمان نجيب عصرة 3 حباة ليمون
تعالى نشوف طريقة التحضير هتكون ازاى و كمان هكون معاكى خطوة بخطوة
2- نضع المكونات بها الفلفل و الثوم و الخل و عصير الليمون و الملح و نفرومها
3- نقوم باحضار مقلاة صغيره جدا نقوم بوضع شوية زيت صغيرين جدا و نتركها تسخن
4- نقوم بسكب الخليط على الزيت الساخن
5- نقوم باحضار حباية الطماطم و نقطعها مكعبات و نضعها فوق الخليط و نقلب و نقوم بغلق النار
بعد كده نقوم باحضار الباذنجان و نقوم بحشوه و نتركه جانبا و بكده حضرتى احلى مخلل باذنجان و مش تنسى تدعى ليا
خلاص كده تقريبا قربنا نخلص فاضل السلطة و هفكرك بطبق سلطة جدتى بتاع زمان اللة مليان بالمواد الجميلة و الغنية بالمعادن و المواد المفيده جدا تعالى معايا يا ست الغالين هنشوف نعمل ايه
هنقوم باحضار طماطم السلطة و بقولك طماطم السلطة علشان تكون ناشفة
و كمان هنقوم باحضار البصل
و كمان هنقوم باحضار الجرجير
و نجيب كمان الفلفل الاخضر الرومى او الحامى على حسب الرغبه
و كمان نقوم باحضار الفجل الافرنجى .
و تعالى تقوم بعمل احلى سلطة بتاعة زمان
بصى بقى يا ست الكل تجيبى بولا بتاعة السلطة
و نقوم بتقطيع الجزر و الفلفل
نقوم ببشر البصل و نقوم بوضع الليمون و نتركها مش نحط الملح دلوقتى الا قبل الفطار
و بكده جهزنا مع بعض الاكلات اللى احنا عملنها و تعالى نرجعها
عملنا اللحمة و كمان طاجن البامية و الارز بالشعرية و كمان المولخلية المصرية و السلطة فاضل العصائر تعالى بقى نشوف هنعمل ايه فى عصير التمر اللى اتنقع من بدرى هاتى الاناء اللى اتنقع فيه التمرو حضرى اناء غيره و قومى بسكب العصير على العلم بوضع شاشة بيضاء على طرف الاناء علشان نبدا بتصفية التمر و خال بالك مافيش شوائب تنزل فيه و ضعى عليه ملح الليمون و قلبية و قومى بوضع السكر مع التقليب و اشربى بقى احلى عصير التمر الرمضانى .
و بكده حضرنا عصير التمر و لو حابه تعملى عصير جانبه ممكن تعملى عصير مانجو او تقدمى معاه اى عصير من الفواكه الموجوده علشان ده مفيدا جدا لاسرتك و كمان هيسعدهم فى تعويض السوائل التى فقدت خلال فترة الصيام .
التمر يا ست الكل له فوائد كثيرة تفيد الجسم بجميع المواد الغنية و المفيدة و خاصة سرطان القولون فعليكى يا ست الكل الاكثار من صنع عصير التمر على سفرتك الرمضانية .
و بكده قدمنا العصير بتعنا تعالى بقى يا ست الحبايب نحضر القطايق وهنشوف نعمل ايه و بسرعة
هنجيب القطايف اللى احنا قفلنها و جواها المكسرات
نقوم باحضار المقلاة و نضع بها زيت للتحمير
نقوم بتحمير القطايف و نتركها جانبا
و نقوم بتحضير القطر وهقولك ازاى يا ست الكل
هتجيبى عدد اثنين كوب من السكر
و كمان عود من الفانيليا او ملعقة بودر منها او قطرتين على حسب ما موجد معاكى بالمنزل
و كمان مش تنسى عصرة الليمون الصغير
الطريقة يا ست الحبايب شوفى بقى هنحضره ازاى
1- هنقوم باحضار اناء لتسوية الشربات او القطر او العسل على حسب ما تسمية
5- نقوم بوضع عصرة الليمون مع التقليب
حتى تبدا فى الغليان ضعى عود الفانيليا و اتركيه حتى تنضج
6- قومى بغلق النار عليه و اتركيه
قومى بسكب الشربات او القطر او العسل على القطايق
قومى بوضع رشة جوز الهند او الفستق الحلبى و ده على حسب رغبتك و بالهنا و بالشفا
و بكده جهزنا السفره بتعتنا
تعالى بقى قبل ما ننسى نحضر العرق السوس و ده مفيد جدا فى الصيام بيقوم على تنشيط الكلتين و كمان مفيد جدا لجدار المعدة علشان كده هو مستحب فى شهر رمضانالكريم .
تعالى بقى يا ست الكل هنشوف نعمل ايه
احنا خلاص نقعنا العرق سوس هنقوم بتصفيته و تقليبه و نضيف عليه الماء ونقوم بالتقليب و نضع عليه قطع الثلج و بالهنا يارب
و كل سنة و انتى طيبه يا ست الكل و بكده عشنا مع بعض احلى وقت مع بعض يوم مصرى جميل هتقدرى تعيدى زكرياتك الجميلة لما كنتى صغيره و اكيد هتفتكرى و انتى بتعلقى الزينةو كمان بتروحى تجيبى العصير و كمان القطايف و الكنافه من عند الراجل و كمان اكيد كنتى بتتفرجى عليه و هو بيعمل الكنافه اليدوية زكريات حلوه و جميلة
على فكره قبل ما انسى يا ست الكل لو حابه تعرفى طريقة عمل عجينه القطايف ديه سهله اوووووى
بصى هاتى الدقيق فى بولا و بعدين زودى الماء بالتدريج حتى تصبح شبه سائلة و ضيفى الخميره و اتريكها جانبا حتى تخمر
قومى باحضار صينيه و اقليبها على شعلة و قومى باحضار ملعقة كبيره و قومى باخذ العجينة و فردها على صاج او ظهر الصينية و اوعى تقلبيى القطايف سيبها و قومى بنشلها بعد دقيقة من وشها على النار او اقل من دقيقة .
و بكده يا ست الكل هتحضرى احلى عجينه قطايف فى البيت
![وصفات اكلات مصرية رمضانية قديمة 14639938294610.jpg]()
المواضيع المتشابهه:
- وصفات اكلات رمضانية بالصور جديدة وسهلة مصرية 2016
- وصفات مصرية جديدة ، اكلات رمضانية
- اكلات رمضانية جديدة وسهلة بالصور 2016
- اكلات رمضانية مصرية – سفرة مصرية رمضانية بالصور
-
كل سنة و انتى طيبة يا احلي البنات و احلي الستات تعالوا معايا نعمل احلى الأكلات لسحور شهر رمضان .
طبعا الكل بيكون صاحي و هو كسلان مش قادر او بنكون سهرا نين و تعبانين بس مش ينفع نعدى يوم السحور علشان كده النهاردة هنعمل اكلات لسحور شهر رمضان و هقولك على شوية وصفات سريعة و سهلة و كمان صحية ليكى و لأسرتك و كمان مفيدة و هتخلى يوم الصيام يعدى من غير تعب و لا إرهاق و كمان هتحمى اسرتك من العطش طول فترة الصيام يعنى ممكن ندخل الزبادى فى اكلات السحور و بكده هتحافظى على نسبة العطش خلال فترة الصيام وكمان السلطات هتساعد اسرتك على ترطيب المعدة لغاية ميعاد الفطار و كمان العصائر مهمة جدا و ديه هتساعد الجسم بالحفاظ على كافة السوائل اللى يحاجها الجسم خلال فترة الصيام و كمان مش ننسى منتجات الألبان و ديه كمان مفيدة جدا و لازم نخلى بالنا من اصناف و اكلات رمضان خلال وجبات الافطار اليومية يعنى ايه هفهمك بصى بقى يا ست الكل مش ينفع خلال فترة الصيام نعمل مسبكات و نطبخ و نخلى اكلات رمضان كلها دهون و ده غلط علشان الصحه .
و احنا سألنا خبيرة التغذية عن الأكلات الصحية فى شهر رمضان ردت و قالت ان اهم أكلات فى شهر رمضان و اهم السحور هى :- اننا من المفروض ناخد بالنا من التقليل من الدهون و نحاول نطبخ بزيت الذرة او زيت الزيتون علشان الكولسترول و كمان نحافظ على المعدة من اعراض الحموضه بعد الإفطار و كمان نخلى بالنا من الإكثار من الفواكه زى البطيخ و الخوخ والفواكه المجففة زى القراصيا او البرقوق المجفف فكل تلك الأصناف تحافظ على الجسم و تمده بالمواد المفيدة خلال فترة الصيام , و كمان مش ننسى السلطات فدخول بعض الخضروات تقوم على تبطين جدار المعدة وتمد الجسم الفيتامينات اللازمة للجسم زى الخيار.
و الخيار يساعد البشرة و الجسم فى التعويض بالسوائل اللازمة له و مفيد جدا و كمان الطماطم مفيدة بالأملاح و المواد الأكسدة و غير كده الفجل الافرنجى و البنجر لازم ندخله فى السلطة و الليمون و ياريت نستعمل الليمون بدل الملح .
و سألتها طيب و السحور قالت خبيرة التغذية :- ان و جبات السحور من أهم الوجبات و لازمة لجسم الإنسان فإنها تعطى الجسم النشاط خلال فترة الصيام و كمان لازم ندخل منتجات الألبان و أهم شيء الخيار و الزبادي و السلطة و كمان أهم شيء العصائر طبعا علشان تعوض الجسم بالسوائل و ياريت تكون طبيعية .
و سألتها تانى إحنا المفروض نشرب ماء قبل الفجر بوقت أد إيه ؟
قالت خبيرة التغذية :- ان بعض الناس بتقع فى خطا كبير و أنها بتشرب زجاجه مياه قبل الأذان و ده غلط المفروض نشرب مياه بانتظام من بعد الإفطار بثلاث ساعات و الى ميعاد السحور نشرب المياه بانتظام يعنى كوب كبير مياه كل 13 دقيقة عشان مش نتعب الكلية و الكبد اما شرب المياه قبل الفجر ده مش ليه اى لازمة خالص بالعكس يضغط على الكليتين و كمان يوتر الكبد و انتهى الحديث مع خبيرة التغذية و هى هتكون معانا النهاردة لاى استفسار !! و ده علشان احنا بنحبكم اووووى جبناها ليكم .
تعالوا بقى نحضر
أكلات لسحور رمضان
![سحور رمضان 146382693951.jpg]()
اول حاجه نعملها بسرعة كده هى سلطة الجبن البيضاء :-
![سحور رمضان 1463826939949.jpg]()
المقادير قالب جبنه بيضاء من اللى
بتحبيه و نفضيه فى بولا زجاج و نقوم بتحضير عودين شبت و بقدونس و حباية طماطم و كمان خيارتين يا حلاوتك يم يم يم يم يم يم يم على الطعم و يسلام على شكلها هنجيب كل المقادير و نقطعها و نجيب قالب الجبن و نضعها على الخضار اللى قطعناه و يسلام بقى نقطين زيت زيتون يبقى الطبق ايه حكاية و نخلى بالنا و احنا بنحط الزيت مش نكتر احسن انا عارفه ناس دلقت الازازة و هى بتعمل طبق الجبن ههههههههههههههههههه .
بصى بقى يا ست الكل كده خلصنا طبق الجبن و ممكن تقديمها كده و ده على حسب رغبتك انتى و اسرتك او ممكن تقسيمى الجبن نصها بالخضار و النص التانى كده انا عن نفسى بحب الاتنين هههههههه .
وكمان نقدر نضيف شوية جبن رومى ديه حلوه على سفرة السحور انا بحب الجبن الرومى القديمة.
شوفى انتى يا ست الغالين بتحبيها ازاى و ممكن تزوقيها بكام حباية زيتوون او تسيبها كده و ده على حسب زوقك يا ست الكل .
احنا ممكن كمان نسلق بيض او نعمله عيون و ياريت نخف من الدهون خلال السحور علشان مش نتعب المعدة و اوعى ياست الحبايب تنسى كلام خبيرة التغذية عن التقليل فى الدهون خلال اكلات رمضان او خلال و جبات السحور .
و يسلام بقى ندخل على صنف جبن القريش او الفلاحى.
![سحور رمضان 1463826939877.jpg]()
و ديه يم يم يم جميلة و طبيعية و مفيدة و كمان مغذية و ياريت طول السحور ناكل جبن القريش الفلاحى و نجبها من ناس مضمونه علشان التلوث فاهمة يا ست الغاليين ممكن يا ست الكل تدخلى الجبن القريش فى كذا طريقة زى ايه هقولك بصى
ممكن نعمل جبن قريش بالطماطم و زيت الزيتون و شوية شطا و قرن فلفل و خياره يم يم يم يم يم يم يم يم يم يم يم يم
![سحور رمضان 1463826939765.jpg]()
الله على الطعم بس خالى بالك اللى مش يقدر على الشطه فى الصيام مش يكلها الشطة ديه على حسب الرغبة .
و ممكن ندخل الجبن القريش فى صنف تانى هقولك .
هنجيب البيض و نقلية بمعلقة زبد و خلاص هنطفى النار نجيب حتة جبن قريش و نضعها فو البيض و نطفى النار و نقوم بالهرس و التقليب و كلى بقى ياااااااااااا على الطعم .
و ياريت يا ست الغالين نبعد عن الجبن الحادق علشان ده غلط خلال فترة الصيام و لو اسرتك متعوده على الجبن حاولى تغيرى العادة ديه علشان رمضان جاى فى الحر اللهم تقبل منا و منكم صيامنا اللهم امين يارب العالمين .
يلا نرجع للحلقة بتعتنا .
احنا كده قدمنا الجبن بكذا طريقة ممكن ندخل الجبن ايضا يا ست الكل فى المعجنات طبعا انتى عارفه المعجنات و خاصة عجينة السمبوسك.
![سحور رمضان 1463826939622.jpg]()
ممكن نجيب العجينة و نفردها و نحط حتة جبنة و ورقة بقدونس و نقفلها و نحمرها و ياريت نعمل على عدد الاسرة يعنى كل فرد اثنين كفاية اووووى مش بالكتره على السفره طب فى ستات حلوين و قمرات مش عندى دلوقتى عجين هقولك ممكن نعملها بالجلاش بالنفس الطريقة بالظبط بس جبنه مع شوية زيت زيتون طب هتسالى لو مش عندى جلاش هقولك بعجينة القطايف برضه تنفع و اوعى تقولى مش عندى ديه كمان هههههههه هقولك يا ست الكل بلاش تتعبى نفسك بقى و مش مهم النهاردة و حضريها بكره .
و بكده خلصنا من اصناف الجبن طيب فى ستات زى العسل و السكر هتقول بحب الجبن الشيدر على السحور هقولها حلوه جدا و خفيفة جدا على المعدة و طعمها حلو اوووووووووووووى زيك كده.
![سحور رمضان 1463826939683.png]()
شوفى ايه اللى يريحك من اصناف الجبن و ضعيه على سفرة السحور بس ياريت نبعد الجبن الحادق و المطبوخ و ياريت نخلى الجبن القريش هى الطبق الرئيسى .
فى ستات زى القمر بتحب الفول المدمس على سفرة السحور بتعشق حاجه اسمها فول و فى ستات مش بيفضلوه ده على حسب رغبتك برضه ممكن نحضر طبق فول مدمس مهروس بشوية زيت زيتون و ليمون و شوية كمون و نقطة طحينة ياااااااااا على الطعم يم يم يم يم يم يم يم يم يم يم يم يم يم يم لذيذ و ممكن كمان نجيب الزيت و نسخنه و نقوم باحضار فلفل مقطعه حلقات و نقلبة فى الزيت و نجيب الفول و بسرعة و نقلب و نطفى النار و نعصر ليمونه و شوية كمون و ايه على الطعم تحفه و كمان ممكن نعمله بطريقة تانية نحضر طمطماية مقطعة مكعبات و فلفلاية مقطعة و بصلايه مقطعه مكعبات صغيره و شوية زيت ذرة .
الطريقة هاتى يا ست الكل الزيت و يتسخن و نضع البصل و نقوم بالتقليب و بعد كده نقوم بوضع الفلفلو بعد كده نقلب حتى يدبل الفلفل و بعد كده نحط الطماطم و شوية ملح و حبه كمون و نقلب لغاية ما الطماطم تذوب و نجيب الفول و نحطه و نقلب و يسلام على الطعم يم يم يم يم يم يم يم يمي .
و ممكن كمان طريقة حلوه برضه و سريعة :-
هاتى البولا و فيها عصرة ليمون و شوية كزبره و عودين شبت و بعض الزيتون المخلى و زيت حار و نقلب كويس و نجيب الفول و نضعه فوق التتبيلة و ناكل بقى و يااااه على الطعم .
وكمان ممكن فى طريقة تانية للفول هنجيب الزيت ذرة و نسخنه و نجيب الفول عليه و نقلب و هات بيضه و اكسريها على الفول و بقى احلى طبق فول بالبيض.
و بكده يا ست الكل قلنا كذا صنف للفول بالبيض .
انتى ممكن تعملى من الفول اصناف كثيرة و عديدة و ده يا ست الحبايب على حسب رغبتك انتى و زوقك ياست الحبايب .
تعالى بقى نعيد الاصناف تانى اللى احنا قلناها قبل كده و هى
الجبن و قلنا انواعها زى الجبن البيضة و ازاى طريقتها و كمان الجبن القريش
و كمان انواع الفول
زى فول بالبيض
و فول بالزيت
و فول بطريقة مطبخ حياتى
و كمان اتكلمنا فى بداية الحلقة مع خبيرة التغذية عن اكلات رمضانية مفيدة و كمان السحور
تعالى نكمل مع بعض باقى السحور بتعنا و نتكلم عن اهمية الزبادى فى السحور و هيكون كالاتى :-
الزبادى تعد مهمة جدا خلال فترة الصيام فالزبادى بها خميرة تساعد المعدة على عملية الترطيب و الانتظام خلال فترة الصيام فمن المستحب اكل كوب زبادى بعد وجبات السحور ممكن يا ست الكل تشكلى من الزبادى اصناف كتيرة و ممكن تدخلى لاسرتك فواكه كثيرة زى الفراولة او المانجو على حسب رغبتك يا ست الحبايب .
و ممكن يا ست الكل نعمل اشكال من الزبادى لو اطفالك مش بيحبوها زى
زبادي مع الفراولة و نضعها فى قوالب المثلجات و تتاكل على السحور و دية تعتبر من الحلويات الباردة الخفيفة و السهلة و السريعة و كمان ممكن تشكلي بعض الحلويات الباردة الكتيرة
و هقولك زى ايه .
الايس كريم بالبسكويت و كمان ديه تعتبر من الحلويات الباردة .
و تعالى بقى نشوف العصائر و كمان زى ما بنركز على العصائر الرمضانية خلال الصيام برضه هنركز على عصائر لذيذه بسفرة السحور , خلى بالك انك دايما الفواكه الطبيعية تكون فى البيت عشان تعملى بيها أحسن الوصفات و العصائر الجميلة و اللذيذة و ممكن كمان تزودي أصناف العصائر بأصناف جديدة , هقولك زى ايه :-
عصير التمر و ياريت يكون فى البيت
عصير الدوم و برضه يكون فى البيت
و كمان مش ننسى العرق سوس و برضه يكون فى البيت و احنا قدمنا ليكى يا ست الحبايب طرق عمل كافة العصائر الرمضانية و لو مش عندك الخامات اللى هتحضرى بيها العصير هاتى العصير المفضل بتاعك من عند بتاع العصير بس ياريت يكون من محل نظيف و انتى عارفاه كويس اوووى علشان التلوث و الامراض .
و بكده ياست الحبايب نكون حضرنا مع بعض السحور اللذيذ و السهل اللى ممكن تقدرى تعمليه بسرعة .
و خالى بالك من رغبات اطفالك اللى لسه انتى بتعلميهم الصيام حبيبيهم فى الصيام بتقديم وجبات السحور اللذيذة ممكن تعملى ليهم اصناف من السندوتشات الجميلة من عيش التوست و انواع الجبن و هقولك اصناف للسندوتشات الجميلة :-
![سحور رمضان 146382693998.jpg]()
ممكن نجيب عدد قطعتين من عيش التوست و نحضر قطعة من الجبن الشيدر و نضع عليه الجزء الاخر من العيش و نقوم برصه على طبق التقديم و ممكن تعملى ساندويتش تانى انك تحضرى جبن الرومى و ورق خص و طرنشات الخيار و نقوم برص ورقة الخص على طرف الساندويتش و نضع راق جبن رومى و من فوقه راق خس و خياره و نضع النصف الاخر من عيش التو ست و كمان تقدري تعملى اصناف كتيره من الساندويتشات و خاصة اصناف الجبن .
![سحور رمضان 1463826940410.jpg]()
و ابعدى عن الهمبرجر اثناء السحور و ركزى على اصناف مغذية لاسرتك زى ما فهمتنا خبيرة التغذية و ياريت تكترى من العصائر الرمضانية الجميلة من ساعة الإفطار و لغاية السحور و الشرب يكون بالتدريج .
مش تخافى يا ست الحبايب هنكون معاكى احنا و خبيرة التغذية عشان نقدر نقدم ليكى النصائح خلال شهر رمضان الكريم .
وكمان تبعينا هنجبلك وصفات لأكلات من مطبخ جدتى اكلات زمااااان الجميلة اللى بتميز بيها شهر رمضان , و دايما جدتى بتوصينا اننا مش ينفع نتسحر لازم السحور و لما سالت خبيرة التغذية على كلام جدتى قالت فعلا الكلام صحيح لان وجبة السحور تعد مهمة جدا لانها بتساعد على عملية تنشيط المعدة طوال فترة الصيام .
و فى النهاية يا ست الكل قضينا مع بعض احلى الاوقات و احنا بنقدم الوصفات مع خبيرة التجميل منتظرة اسالتكم عن اكلات رمضان او سحور رمضان و عن اى طريقة لعمل العصائر الرمضانية و هنكون معاكى كل يوم .
المواضيع المتشابهه:
